July 11, 2014
पाउस
पाउस कोसळतो छपरावरती
त्यावरुन सांडती हजारो मोती
काही माझ्या गाली पडती
काही करती गंधित माती
पाउस कसा हा
अल्लड खेळातो
कधी पानांतून
तर कधी मनातून झरतो
मनातील गाणे
पाउस जाणतो
अबोल शब्दांना तो
सुर लावतो
मन माझे एकाकी
पाउस त्याला वेड लावतो
नाही कुणी येणारे जरी
उगा मिलनाची ओढ लावतो
थोडा खुलवतो
थोडा झुलवतो
आकांक्षांना तो पंख लावतो
ओंजळीत साठलेल्या तळ्याकाठी
स्वप्नांचे तो गाव बांधतो
पाउस येतो
पाउस जातो
मनाचे रितेपण तसेच राहते
आंतरिच्या अश्रुंमधुन
पावसाचेच गाणे उमटते
---- प्रसाद कोलते
पाउस कोसळतो छपरावरती
त्यावरुन सांडती हजारो मोती
काही माझ्या गाली पडती
काही करती गंधित माती
पाउस कसा हा
अल्लड खेळातो
कधी पानांतून
तर कधी मनातून झरतो
मनातील गाणे
पाउस जाणतो
अबोल शब्दांना तो
सुर लावतो
मन माझे एकाकी
पाउस त्याला वेड लावतो
नाही कुणी येणारे जरी
उगा मिलनाची ओढ लावतो
थोडा खुलवतो
थोडा झुलवतो
आकांक्षांना तो पंख लावतो
ओंजळीत साठलेल्या तळ्याकाठी
स्वप्नांचे तो गाव बांधतो
पाउस येतो
पाउस जातो
मनाचे रितेपण तसेच राहते
आंतरिच्या अश्रुंमधुन
पावसाचेच गाणे उमटते
---- प्रसाद कोलते
Subscribe to:
Post Comments (Atom)
0 comments:
Post a Comment